غزل همدمان کوي اصرار کله ښودی شي امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 همدمان کوي اصرار کله ښودی شي چې ستا راز مې په خوله راشي اسوېلی شي 02 که اشنا راسره يو دی خو بيا بېل دی په کوشش سره څوک خپل سيوری نيوی شي 03 په سرو شونډو کې موسکۍ شوې زړه مې يخ شو لږ خو کښېنه هسې نه چې د زړه سوی شي 04 هر باڼه دې خوی د سترگو دی اخيستی کله ستن د اطمينان، کله اغزی شي 05 ستا سړې خبرې وايي خوی دې سوړ دی څوک به څرنگه تاوده نه خوري چې سړی شي 06 ستا ستم مې بيابان د زړه گلشن کړ که وچ ډاگ وي د شوديارې نه پټی شي 07 د حمزه د زړه د باز برخه شوه مينه وتی نه شي جال د ځان سره که وړی شي د قاموس مانا × اصلي کلمه
