غزل وښه مخ وته نظر دی هر چا کړی خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 وښه مخ وته نظر دی هر چا کړی نه دا دود دی په جهان کې ما راوړی 02 زه به هيڅکله له عشقه نه وانه وړم که هر څو راته ويل کاندي وگړی 03 ما ويل چې زړه به نه ورکوم چاته ولې څه کړم چې بد زړه لرم ودوړی 04 د عاشق د رښتينيې نښه دا ده چې په عشق کې سر حساب کاندي خسړی 05 په يو گوټ به يې د عشق دميو هېر کړې که دې واړه دجهان لذت وي نغړی 06 چې په ښاخ باندې يې اوړی، ژمی گل وي خدای زما په باغ کې نهال کړ هسې زړی 07 چې به بيا په څه علاج په لاس کښېوځي د خوشال خاطر يې نه دی هسې وړی د قاموس مانا × اصلي کلمه
