غزل والوتمه ډېر خو زه بهر نه شوم له څه نه امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 والوتمه ډېر خو زه بهر نه شوم له څه نه ونه دا نړۍ ده بيا په ونه باندې ونه 02 کله منقلب شي نمر خاته پرېواته دواړه اوش شومه بې غمه له خاته او پرېواته نه 03 هر خوا ته که لاړمه سفر مې و په زړه کې لاړمه له زړه نه خوونه وتم له زړه نه 04 مينې له ښکلا، ښکلا له مينې ژوندون وموند جوړ شو په اخره کې وحدت د ته او زه نه 05 عشقه! له کږو سمو دې ووېستم بهر ته خلاص شوم د نېکۍ او د بدۍ له زولانه نه 06 ډوب چې وي په سيند کې ترې قلم وي پورته شوی څه به يې زاهد وايي د سم او له کاږه نه 07 څومره تقسيم شوی زه حمزه ومه حيران يم اوس شومه خبر چې تللی زه ومه له زه نه د قاموس مانا × اصلي کلمه
