ورک مې د سترگو نظر

ورک مې د سترگو نظر

ای خواجه رادې کړه خاورې د در

در کې ولاړه ستا يم سر توره

غم کړم جدا زه پلار او له موره

دی مرور مې دلبر

ای خواجه را دې کړه خاورې د در

وينځه چې هر څوک در کې د چا شي

ښايي غمونه چې ترې جدا شي

مالک يې اخلي خبر

ای خواجه رادې کړه خاورې د در

د پېغلتوب مې وران شو خالونه

سجده کې وايم د زړه حالونه

رژوم مښک و عنبر

ای خواجه رادې کړه خاورې د در

وځي فرياد مې د زړه له سوزه

د يار تر خوا مې باباجي بوځه

درېغه چې وکړي اثر

ای خواجه رادې کړه خاورې د در

تشه جولۍ مې ده دخيال

پُر يې په دُر کړه يار د جمال

شپه مې د غم کړه سحر

ای خواجه رادې کړه خاورې د در

کله راويښ به بخت د حمزه شي

چې بېنوا به ترېنه رضا شي