ياد يې راپيښ چې نن زما په زړه شو

ياد يې راپيښ چې نن زما په زړه شو

اوس په لټون يمه دزړه چې څه شو

ماشوم ارمان د زړه زانگو کې زما

ستا د وعدې په الا هو وده شو

هغه مېن د مينې خوند وانخست

کوم چې راضي د خپل اشنا په کړه شو

شايد چې بل يې له دې ښه ونه موند

چې دې پرې ايښی زړه زما په وړه شو

يمه خوشحال چې زړه يې يووړو له ما

اوس چې په ما وو، هغه غم په ده شو

ستم ځپلی زړه د يار په موسکا

که وه مُهره لکه ږلۍ اوبه شو

حمزه څه نوې خوشحالي به راشي

رقيب چې تا سره پخلا شو ښه شو