يار مې بيا د کتو تور کا الغياث

يار مې بيا د کتو تور کا الغياث

واړه جور، ظلم، زور کا الغياث

په ما خوار باندې يې نر ناحقه لېږدي

سل بلا د څنگه نور کا الغياث

زاهد هم هسې له عشقه خالي نه دی

په عاشق به څه پېغور کا الغياث

چې د زړه ويل يې يو، د ژبې بل وي

زمانه به يې مخ تور کا الغياث

چې د وصل په دولت وي سره جمع

جدايي به هغه خور کا الغياث

د خزان دوک يې ليدلی دی په سترگو

چې بلبلې هومره شور کا الغياث

هومره اور چې د خوشال په خاطر بل دی

څوک به مړ دا هومره اور کا الغياث