يو څه بحر دی عميق

يو څه بحر دی عميق

د سيماب غوندې حريق

په شنا ترې واته نه شي

څو چې بخت نه شي رفيق

په ساحل ولاړو څه زده

چې څه حال لري غريق

حال د ما يوه معما ده

چا مې حال نه کړ تحقيق

که هندو، که مسلمان دی

پت پالي، د خپل فريق

چې مې يار د طريقت و

په کار نه شو هيڅ طريق

يو له بله بهره مومي

په اخلاص او په توفيق

چې يې زه لرم په زړه کې

عجب فکر دی دقيق

سل بلا د جهان کل وای

جدايي نه وای تفريق

په نامه به شقيق نه شي

که څوک نوم کښېږدي شقيق

په دا شهر کې اکبر دی

دخوشال يار شفيق