زه چې هسې په تعجيل او په شتاب ځم

زه چې هسې په تعجيل او په شتاب ځم

خرابات لره په هيله د شراب ځم

د ساقي د لاسه مى چې تتاول كړم

بيا په بيارته به بېخوده مست خراب ځم

د ساقي د مخ جذبه مې مخ ته بولي

چې دا هسې ميكدې ته په ترتاب ځم

درد د درد مې يې له خمه دى نوشلى

اوس په هيله په اميد د مى ناب ځم

چې مې نه شي بله يو سر بل سر سترگې

له جهانه مخ پوښلى په نقاب ځم

له دوو سترگو مې روان د اوښكو سيند شو

د دې سيند دپاسه زه لكه حباب ځم

خوب وخور مې له خاطره فراموش دى

دجمال په خيال يي درسته شپه په خواب ځم

د محبوبې د جمال شغلې اتش دي

زه خوشحال يې له ليدلو زړه كباب ځم