زه جهان څه کړم چې نمر مخيه ياره تا ووينم

زه جهان څه کړم چې نمر مخيه ياره تا ووينم

څنګه دنيا ووينم څنګه دنيا ووينم

ستا د کاکل په تورو شپو پورې لا شپې څه دي

ستا د سرو شونډو اننګو پورې غنچې څه دي

وي تماشه مې د ژړا چې دې خندا ووينم

څنګه دنيا ووينم څنګه دنيا ووينم

د ستا په مينه کښې د خلقو خندنی خوښ يم

خو د خپل عقل نه وزګار شم لېونی خوښ يم

راسره غم د لېونو شي چې صحرا ووينم

څنګه دنيا ووينم څنګه دنيا ووينم

ګله چې ما خاطر ته ياد شي ټول جهان ګل شي

له ډېره هجره هر يو ګل مې د چشمان ګل شي

خدائې خبر بيا چې زه به ستوری د سبا ووينم

څنګه دنيا ووينم څنګه دنيا ووينم