زه چې ستا په چاکرۍ کې يمه چاق

زه چې ستا په چاکرۍ کې يمه چاق

د راحت عروس په درې شرط طلاق

روح او تن مې مور او پلار دي ترې خلاف کړم

ياره ستا به شم چې دوی مې کاندي عاق

چې په طاق کې د نسيان مې خودي کېښوه

په ټولي کې دعاشقو شومه طاق

سپوږمۍ مخيه خاموشۍ دې ټول گويا کړه

د ښايست خبرې ستا شي په آفاق

دا سرخي مې هنگامي نه ده د سترگو

دا نه رنگ دی د حنا نه د اشفاق

هر يو حرف دې ښايي پته ښکاره نه شوې

د هستۍ د کتاب ختم شو اوراق

شي قدسي به په معراج د حمزه عقل

چې تا وړی دی دسترگو په براق