غزل زه دې مېلمه شم، ته کوربنه شې امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 زه دې مېلمه شم، ته کوربنه شې چې يو ناڅاپه رامېلمنه شې 02 ستا د خوږو نه خو تراخه ښه وي لا چې ترخه شې ډېره خوږه شې 03 نوره د زلفو سودا دې نه کړم پېرزو مې نه ده چې شوگيره شې 04 په سادگۍ کې څومره پخه شې په تش کتو مې کچه کچه شې 05 چې زه درځمه ته راسره شي خو چې راځمه ته را سره شې 06 د ښکليو خوی هم څه عجيبه وي دادې خوښې وي چې ته خفه شې 07 ښه ده حيا دې دهندکۍ نه ده چې در ته ځير شم ته پښتنه شې 08 ډېر څه مې زده کړل خو لا امي يم زده کړه خو داده چې ته مې زده شې 09 ته کله کله خويادوه مې گنې نو ته به هېره قصه شې 10 څومره چې بدگورې و ما حمزه ته دا مې باور دی هومره به ښه شې د قاموس مانا × اصلي کلمه
