نظم ذکر د هغو د عذاب چې زکات نه ورکوي خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 هر سړی چې لا زکات دی که صلات که لا صلات دی 02 دا وعيد دی په قرآن کې هغه خوار دی په ايمان کې 03 چې زکات نه ور کوينه په دوزخ کې به سېځينه 04 که روپيې که مهران وي په دوزخ کې به تابان وي 05 د دوی مخ به پرې داغينه په درست ځان به يې کېږدينه 06 په قيامت به يې کټ کوټ کا لاس و پښې به يې سوټ بوټ کا 07 که يې غوا وي که يې غيله پرې به ياس خېژي څو ځله 08 درست به دی په پښو پايمال کا په وهل به يې بد حال کا 09 وار په وار به باندې خېژي پرې به رغړي پرې به مېږي 10 چارپايان به زبان پيدا کا دوی به واړه ويل دا کا 11 چې قرآن در ته گويا و په زکات کې غفلت ستا و 12 اوس پېچه دا عذابونه ور کوه دا حسابونه د قاموس مانا × اصلي کلمه
