ذکر عبادت و معرفت چې سره لازم و ملزوم دي

عبادت بې معرفته

واړه هيڅ دی پر غفلته

اول پوه به معرفت شه

بيا خبر په عبادت شه

ځان ساته له معصيته

موافق شه له طاعته

که خبر په معرفت شي

لټ په امر په طاعت شي

په ايمان کې دې خلل وي

شناخت طاعت نه کا کافر دي

حقيقي مؤمن هاله يې

گڼه زده کړه مؤمن نه يې

که دې شناخت هم د طاعت شته

هم دې ترس د معصيت شته

کبيره د ايمان زيان دی

هر طاعت لره نقصان دی

زده کړه ښه له ما بې درنگه

گناهونه دي دوه رنگه

هر چې کم دي صغيره دي

هر چې لوی دي کبيره دي

که سړی کبيره نه کا

صغيره به يې خدای ښه کا