غزل زړه مې بې له عشقه په بل کار نه وي محظوظ خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 زړه مې بې له عشقه په بل کار نه وي محظوظ بې له کښليه مخه په گلزار نه وي محظوظ 02 کله مېړنی دی چې يې وخوري په ميدان کې دی د تېرې تورې په پرهار نه وي محظوظ 03 هر چې عاقلان دي په فتوا د عقل کار کا هر چې عاشقان دي په دا کار نه وي محظوظ 04 هر چې بل يې وولي بيا دی پرې غشی لک کا هيڅکله ښکاري په هغه ښکار نه وي محظوظ 05 خاورې يې په سر شه حبطه يې عمر تېر شو هر چې نن د کښليو په ديدار نه وي محظوظ 06 عيد شو هم بهار شو و صحرا وته خلک ووت زار دی د هغه چې په خپل يار نه وي محظوظ 07 دود د عاشقانو دی که وگورې په عشق کې پند که ورته وايې په خپل پلار نه وي محظوظ 08 هر کله چې راشي ورته وخاندي له ورايه خوار خوشال به ولې په باربار نه وي محظوظ د قاموس مانا × اصلي کلمه
