زرغونه کالي

رنګ که کالي مي د شنو پاڼو په شان

يو واري بيا يې رنګ که

جنګيالي نه اغوندي سپيني جامې

ګراني و جنګ ته وځم

يو واري بيا ورځمه

څو د بادونو، بارانونو په لښکر کي ډوب سم

زه به توپک پر اوږه

په برياليو زرغونو جامو کي

په برياليو زرغونو جامو کي

د سرو ګوليو او بمونو له بارانه څخه

له تاوده جنګه څخه

درته راګرځمه او هېري به کم

زما د زادګاه په زرغونو جامو کي

د آزمويني سختي - سختي ورځي

د کړاوونو ډکي - ډکي لحظې

هغه کالي چي زرغونه دي رنګ کړه

دا به د ميني په ښايسته بهار کي

د تل لپاره زرغونه پاتي سي

او تودوي به مي په مينه - مينه