غزل بدبختان د مور په نس کې بدبختان وي Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 بدبختان د مور په نس کې بدبختان وي چې د مور له نسه پرېوځي هغه شان وي 02 په دنيا کې زيست روزگار په بدبختۍ کا بل جهان لره بدبخت شقي روان وي 03 حميده چارې چې کا پکې ناخوښ وي څو چې شي په ذميمه کې دل شادان وي 04 چې هوا يې د خپل نفس، په هغه لور ځي پيروي يې په هر کار کې د شيطان وي 05 که قدم چېرې ثابت کښېږدي په لارې په دويم قدم بيا زر په زړه پښېمان وي 06 کتابونه د اسمان، د مځکې لولي به عمل يې فرق تر مځکې تر اسمان وي 07 په باطن يې زړه گومان سره لړلی په ظاهر ويل په ژبه مسلمان وي 08 په خبرو کې يې فيض مونده نه شي مذبذب په قول عهد په پيمان وي 09 په طاعت په عبادت کې که بلعم شي په آخر د نس په نغوته بې ايمان وي 10 زه خوشال خټک بنده د هغه چا يم چې يې رو د زړه، دخولې سره يکسان وي Dictionary meaning × Headword
