بيا له کومه لوريه بوی راغی د څڼو

بيا له کومه لوريه بوی راغی د څڼو

چې خاطر مې په های و هوی راغی د څڼو

دا اوږده اوږده، غمونه، پرېشانيې

چې زما دي، دا يې خوی راغی د څڼو

هم په دا مې به د زړه پرهار گانډه شي

شکر شکر چې يې موی راغی د څڼو

په هر مخ باندې څه څڼې ښايست نه کا

لايق شوی يو، يو روی راغی د څڼو

چې په خيال يې په سپين مخ باندې ولول کړې

نوبهار يې په هر سوی راغی د څڼو

په دا کوی کې چې مقيم شوم خلکه ځکه

چې نگهت يې په دا کوی راغی د څڼو

بيا به هم د مښکو نوم په ژبه واخلي

چې خوشال لره يې بوی راغی د څڼو