بې اخلاصه د يارۍ څه جواز نشته

بې اخلاصه د يارۍ څه جواز نشته

خود پوهېږې بې اودسه نماز نشته

د دانش مرغه مې هسې پورته لاړشو

چې هورې دکټه بازو پرواز نشته

که هر څو يې په سره اور کې لولپه کړې

د ياقوت د اوبو ډار د گداز نشته

هغه باغ چې تل ماوا و د بلبلو

اوس په ده کې د بلبلو اواز نشته

د زړه راز و چاته ووايم، حيران يم

په هر لوري چې نظر کړم همراز نشته

توکلت علی الله وينا يوه ده

د خوشال دزمانې سره ساز نشته