غزل چې غم لري د مخ همدا وصال بس Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 چې غم لري د مخ همدا وصال بس اندېښنه يې دجمال د خط و خال بس 02 بادشاهان دې زر زري جامې اغوندي د قانع گدا په شا باندې يو شال بس 03 په بهاندو اوبو کښېنه، ننداره کړه د جهان د تېرېدلو دا مثال بس 04 خو يوه گېډه خواړه، دوه، درې خرڅوړي که دانا يې په جهان کې داجنجال بس 05 و حريص وته درست مال د دنيا لږ دی و قانع ته يو فلوس د دنيا مال بس 06 زاهد سترگې ترې پوښي، زه کښلي گورم که جنت لره مې بيايي دا وبال بس 07 که لايق يې د جمال د ليدو نه يم که يې بيا موم وصال په خوب و خيال بس 08 دواړه کونه د هغو چې يې طلب کا ستا د سترگو ننداره د خوار خوشال بس Dictionary meaning × Headword
