غزل چې مې وليده د زړه په سترگو خپل زړه Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 چې مې وليده د زړه په سترگو خپل زړه د خپل زړه غوندې مې ونه ليده بل زړه 02 عاشقي دخدای بلا ده، عاشق مه شې څوک په سرو سکروټو ايښی لري تل زړه 03 په ويل ويل مې هيڅ تقصير ونه کړ که ستنېږي له دلبرو په ويل زړه 04 عاقبت به آفت سر لره پيدا کا چې جاروځي د بتانو په بورجل زړه 05 ور يې واچول د زلفو زنځيرونه که هر گز اموخته نه و په تړل زړه 06 د خپل سر په مهر هم دا هسې نه وي لکه خوښ شي د دلبرو په ښکنځل زړه 07 ډېر يې صبر، شکېب وکړ نه پايېږي نور له تنه جدا کېږي په نيول زړه 08 د خوشال خټک فرياد له نورو نه دی په ده هومره چارې وکړې واړه خپل زړه Dictionary meaning × Headword
