غزل چې په سب د ابوبکر، د عمر دي Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 چې په سب د ابوبکر، د عمر دي که په خوله کلمه لولي هم کافر دي 02 د هغو په مرگ ثواب گټلی بويه چې بد گوی د ذی النورين و د حيدر دي 03 رافضي، خارجي دواړه باور وکړه تر سگانو، تر کوسانو لا بتر دي 04 تر مهدي پورې يوولس دي يا دولس چې همه زويه نمسي د پيغمبر دي 05 همه واړه امامان وو دخپل دور همه واړه د دنيا، د دين سرور دي 06 له اوله تر اخره که گروهېږې دبتول اولاد مې واړه نور بصر دي 07 چې دوستي يې د سيد نه وي په زړه کې دهغو سړيو تل خاورې په سر دي 08 تر هلال او تر بلال يې صدقه شم لا رانجه مې د پله د پله خاورې د بوذر دي 09 په سرو زروکې کمی د قدر نشته صحابي د پيغمبر واړه سره زر دي 10 زه خوشال خټک هغه سني مذهب يم چې ياران راباندې واړه برابر دي Dictionary meaning × Headword
