غزل که مې سترگې د باور کړې سره لواتې Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 که مې سترگې د باور کړې سره لواتې په جهان کې خو نېکي ده نورې باتې 02 که دې لاس دنېکۍ نه رسي، د زړه کړه راشه واوره، الاعمال بالنياتې 03 په جهان کې که حجاج، که نوشېروان و هم دا داد او دا بېداد شو ځنې پاتې 04 له قسمته به نه کم، نه به څه زيات شي دا دې واړه اندېښنې دي کم و زياتې 05 که په څه هنر دې هومره لاس رسېږي چې به ته کړې د مرگي لښکرې ماتې 06 بيا هاله په جهان خوښ گرځه، هوس کړه! گڼه نورې اندېښنې دي بې ثباتې 07 د دنيا ودانې خونې چې ليدای شي عاقبت به يې مرگی کاندي ميراتې 08 له دنيا نه هم هغو ده بخر وړې چې يې نوم شي د نېکيه په کې پاتې 09 سر تر پايه د خوشال سره لباس کړې خدای دې واخله لباسي دنيا کم ذاتې Dictionary meaning × Headword
