غزل که په زړه کې دې د يار مينه ځايي ده Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 که په زړه کې دې د يار مينه ځايي ده سکه ناحقه دې له غيرو اشنايي ده 02 مخ يې کله د يوسف غودې زېبا دی د يوسف تر مخ يې زياته زېبايي ده 03 چې يې رای دخپل خاطر وي، هم هغه کا په دلبرو مسلمه خودرايي ده 04 که دې زړه وي چې دا خوږ خاطر مې روغ کړې! دلبانو مچه راکړه موميايي ده 05 زه او ستا د دواړو شونډو، مې هغو زده چې يې نن په لاس نيولې پارسايي ده 06 د معشوقې په ترخه کې ډېر خواږه دي که يې گورې! نېکنامي يې رسوايي ده 07 چې په خلکو کې د وزخ، دوزخ يادېږي بل دوزخ په جهان نشته جدايي ده 08 په پېغور، په تور، په زور به ځنې نه ځي د هر چا چې خپله بخره شيدايي ده 09 د افسون، د سحر کار دا هسې نه وي د خوشال په زړه کې دا مينه ځايي ده Dictionary meaning × Headword
