غزل خدای دې مخ د هيڅ غافل راښکاره نه کا Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 خدای دې مخ د هيڅ غافل راښکاره نه کا د غافل سره دې ما اواره نه کا 02 په هر لوري نو بهار دی غوړېدلی سترگې وخوره چې به دا ننداره نه کا 03 هغه څوک چې د الف په توري پوه شو نور په خوله د نورو توريو شماره نه کا 04 هغه څوک دی چې په حال زما خبر شي چې گرېوان به تر لمنې پاره نه کا 05 په يوه نظر يې هر څه له ما يووړه چې هيڅ نشته نور نظر دوباره نه کا 06 د چارپايو په حساب دي سړي نه دي چې په ساز دسوختگانو ناره نه کا 07 طبيبان د رنځ و هر لوري ته ډېر دي رنځوران ولې د وخته چاره نه کا 08 د تقوا غليمې! دف کېږده له لاسه په ډهلي ښار کې څوک نقاره نه کا 09 واړه ستا دا تورې سترگې خوشال وژني دا قتلونه څه طالع ستاره نه کا Dictionary meaning × Headword
