غزل لا منت لرم په دا هم ته اسمانه Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 لا منت لرم په دا هم ته اسمانه ننداره د اباسيند، له مير کلانه 02 په تيرا په سوات په خوړه ور په ور شوم بيا مې کوم لوري ته تۀ بيايې اسمانه! 03 لکه گوی هسې په حکم د چوگان يم درست وجود پرهار، پرهار يم له چوگانه 04 سرنوشت مې له ازله مگر دا و زه به څه لره ماڼه کوم له چانه 05 قديمي د پښتنو جهل خرتوب و اوس په طمعه ، په حرص درومي له ميانه 06 که رښتيا وايم شېرشاه دا هسې نه و لکه موږ يو نن پيدا له کوهستانه 07 پښتانه چې بې ننگي کا څوک يې څه کا گورستان لره به درومو له ارمانه 08 د خټکو له نفاق، له ناپوهۍ يا چې غم لرم له خپله خاندانه 09 چا ته وايم، څو به کښم، څه هومره نه دي چې تمام شي له مذکوره، له بيانه 10 دا داغونه چې خوشال لري په زړه کې رغېدل به يې په تا کېږي سبحانه Dictionary meaning × Headword
