غزل نه د ما د هنر شته څوک طلبگار Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 نه د ما د هنر شته څوک طلبگار نه د ما دی ددې ملک هنر په کار 02 خپل ځانونه هوښياران گڼي نادان دي خدای د زما د هسې خلقو کړ روزگار 03 په يوه ژبه ويل سره پښتو کړو ولې هيڅ ځبله نه شوو خبردار 04 چې د سوات په ملک کې ما ننداره وکړه بل ولس تر يوسفزيو نشته خوار 05 زور زياتی خود پسندي خصلت د واړو هر سړی يې طمع خواست و ته تيار 06 که په کور کې مال دولت لري سترگوږي ملکان يې لا تر نورو دي مردار 07 حقه چار به د عزيز کاندي ناحقه که په بډې رشوت مومي يو دينار 08 خټکی له خټکي نه رنگ اخلي عالمان شېخان يې لا دي نا په کار 09 چې مې وليدل له نورو خبر نه يم دا خو واړه يا غوايه دي يا حمار 10 دا په هر ديار کې سيل هم بد نه دی چې خوشال وته څرگند شو هر اسرار Dictionary meaning × Headword
