غزل په دا ښهر کې دې نه وينم څوک سياله Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 په دا ښهر کې دې نه وينم څوک سياله خبردار نه يم د بل ښهر له حاله 02 په ښايست کېدې ارمان د صورت نشته درېغه، درېغه په خوی هم وای څه خو ماله 03 په دردمنو کې نن زه يم بې ماننده په دلبرو کې نن ته يې بې مثاله 04 په دا سپين تندي دې طعن په آفتاب شي په ابرو دې گرو، وړی له هلاله 05 نن به ته دا کبر نه کړې، نور به څوک کا چې په خلقو دې نارې دي له جماله 06 که تل جنگ و خرخشې کړې، زه پرې خوښ يم ښايسته دجهان نه وي بې جنجاله 07 چې د حال پوښتنه نه کړې، مرگ مې راغی کله کله مې خبرېږه له احواله 08 په پنځه وخته چې لاس په دعا هسک کړم ستا دعمر دعا کړم په ډېر ډېر کاله 09 دا بې وخته سپين ويښته نه وو بلا وه چې د کښليو زړه يې تور کړ له خوشاله Dictionary meaning × Headword
