غزل په زړه تر يار ځارېږم د پتنگ غوندې پېرې کړم Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 په زړه تر يار ځارېږم د پتنگ غوندې پېرې کړم يو راز دی په دا کار کې که په خوله ورته ښېرې کړم 02 يو باغ دی د گلونو چې و ماته غوړېږي چې يار راسره ناست وي، ورته زه د ناز ښېرې کړم 03 عاشق مې پاتې نه شو، پرېږده پڅې پرتې اوسي ښايي چې بوالهوس ته د غمزې تورې تېرې کړم 04 چې ځای مې په گلشن و هغه زه وم، راشه گوره په هر چېرته چې درومم په گلخن باندې دېرې کړم 05 دا زړه دی که قسمت دی که څه نور څه کوډې موډې چې زه يې مبتلا د ستمگرې په څېرې کړم 06 چې ته له ما نه لاړ شې که بالښت که نهالۍ وي په درسته شپه چې ژاړم په ژړا دواړه ترې کړم 07 که پايم په دنيا کې زه خوشال په دا زوړوالي دخپلو د پرديو به لا څو مېنې سپېرې کړم Dictionary meaning × Headword
