غزل څو يې بوی په هر طرف بهير ونه کړ Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 څو يې بوی په هر طرف بهير ونه کړ په گلونو عندليب نفير ونه کړ 02 زما اوښکو کاڼي هم په مخه يو وړل ولې ستا په زړه يې هيڅ تاثير ونه کړ 03 په ژړا په بې صبرۍ که ليدل موم ما په دواړه توکه هيڅ تقصير ونه کړ 04 په خندا خندا دې مرگ و ته نژدې کړم ترو دې څرنگه په ما تزوير ونه کړ 05 خو لا زه يم چې له غشيه دې نه درومم گڼه! هومره مټ به تور نخچير ونه کړ 06 مگر زه سهل غرڅه وم ستا تر فهمه چې زما په مرگ دې هيڅ تکبير ونه کړ 07 اوس به څه رنگه خلاصيږم له دې غمه چې لومړی مې د خلاصي تدبير ونه کړ 08 د کعبې په لار به څرنگه بری کړې چې هر گز دې يوه شپه شبگير ونه کړ 09 په صورت به دې تل وير وي پس له مرگه که دځان دې په ژوندونې وير ونه کړ 10 زه خوشال چې سر و تېر ځم ستا له تيره هيڅ ارمان دې د غمزې په تير ونه کړ Dictionary meaning × Headword
