غزل و مجنون ته د ليلا له شونډو وايه Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 و مجنون ته د ليلا له شونډو وايه لال و دُر، ياقوت و نورو وته ستايه 02 د مجنون له ودانۍ سره څه کار دی چې ويرانه ويراني، هورې يې بيايه 03 چې به بله اندېښنه کاندي اغيار دي يار دې څوک دی چې دې نه ووځي له رايه 04 درست جهان دې تېرې تورې درته واخلي يو ويښته به دې کنډو نه کا بې خدايه 05 ما دا هسې دماغ وس نه دي راوړي زه دا هسې دماغي راغلم له ځايه 06 وايي گانده به خپل مخ درته ښکاره کړم زه په گانده مانده نه يم، نن يې نمايه 07 د دولت شهپر کارغانو څخه نشته که يې غواړې خو يې غواړه له همايه 08 ته د زړه اغزی په کوم طبيب وکاږې چې وکښلی يې اغزی نه دی له پايه 09 د منصور په حال خبر نه يې خوشاله! درته چا وې چې د راز خبرې وايه Dictionary meaning × Headword
