غزل د عاشق نظر په خورد و په خواب نه دی رحمان بابا د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 د عاشق نظر په خورد و په خواب نه دی مراد يې بې د يار له بابه بل باب نه دی 02 ته نظر په خپل هنر په عقل مه کړه دا اسباب د عاشقيه اسباب نه دی 03 چې ديار سره حساب د دنيا کاندي دغه هېڅ په عاشقۍ کې حساب نه دی 04 چې عاشق په عاشقۍ کې ارباب نه وي که د درست جهان ارباب شي ارباب نه دی 05 هر چې يار منع کوي له خپله ياره! دا کتاب دعاشقانو کتاب نه دی 06 دا حجاب چې عام عالم يې حجاب بولي دا زما د يار تر ميانه حجاب نه دی 07 که ثواب دی هم سيوا ديار له مخه ما گڼلی دغه کار په ثواب نه دی 08 که ليدلی زليخا يوسف په خوب دی ما په ويښه دی ليدلی په خواب نه دی 09 صبر ونيسه په مخ کې که مراد غواړې هېچا کړی دغه کار په شتاب نه دی 10 رحمان سوال د بوسې کړی دی له ياره لا يې هېڅ ځنې موندلی ځواب نه دی د قاموس مانا × اصلي کلمه
