د پښتون سندره

تېره توره مې ده خوښه غړۍ

نه مريو غوندې په غوږ کې سره کړۍ

شپه او ورځ له درنو پېټو لاندې خوښ يم

نه پردو مخکې ولاړ يوه گړۍ

چې پردو ته کوږ ولاړ وي کږه غاړه

د پښتون له کلي کوره يې شړئ

که په وينو يې کالي نه وي لړلی

پښتنو په داسې مړی مه ژاړئ

پښتانه چې د پردو په لاس کې وينئ

په پښتو او پښتنواله مه وياړئ

هېڅوک نشته چې غليم لره ووايي

پښتانه په کراچۍ ولې تړئ

پښتنواله به شي مړه پښتون به ورک شي

پښتنو ! که نن لاسو نه يو نه کړئ

بې له تورې پښتو نه تر سره کېږي

پښتو مري که يې له تورې بېله کړئ

څو چې جوړ پښتونستان او پښتون نه شي

پښتانه ځلمي دې نه تړي بگړۍ