گډې وډې (د مال وزير ته خط)

لويه اوږده ږيره وروره! اوږد امدن لری

صېب ولگاوۀ د هر وکيل په خوله ميټر

دا هم يو مشين دې تېز رفتار لکه موټر

صېب ټېکس به اخلې د بکواس اؤ د ټر ټر

زيات به په هغوی وی چې ډگری څوک د لندن لری

لويه اوږده ږيره وروره! اوږد امدن لری

صېبه ! ماليه کيږده دچاپو په چاينک

لوئې به امدن ئې وی د ټېکس نه د ښانک

دا تپوس دې نه وی چې خان صېب دې که ملک

اخله ترينه ټېکس ازرو د صېب "لوگ" د ديدن لری

کيږده يو ټېکس صېبه! په لويو لويو ږيرو

ورنه کړئ معافی که څوک د سوات وۀ يا د دير وۀ

ټول عالم به وائی يره ډېر هوښيار وزير وۀ

خيال د خزانې ډېر، دې ددې غريب وطن لری

لويه اوږده ږيره وروره! اوږد امدن لری

ما ئې تحصيلدار کړه صېبه واوره سفارش

ډک به له روپو کړم د سرکار خُمونه تش

ستا به ډېر ثواب کيږی زما به لږ ورزش

صېبه! تحصيلدار هر ځائې پولاؤ، پالنگ بړستن لری

لويه اوږده ږيره وروره! اوږد امدن لری