نظم
جنډه
غني خانسر مې لوگے شه له تا، سترگې مې ځار شه
شونډې مې خاؤرې ستا د ديار شه
قربان زلمی له تا نه قطار قطار شه
تۀ دے خزان کښې يوگل دبهار ئې
دې توره شپه کښې تۀ يو زېرے دسار ئې
تۀ د بهار خوب د کلی وران ئې
تۀ يو تصوير د پښتون د ارمان ئې
تۀ د پښتون د ناموس اؤ د ننگ نخښه
تۀ د پښتون د سپين ږيری ملنگ نخښه
تۀ ئې زمونږ ددې صبر د جنگ نخښه
تۀ يو گواه د پښتون د مړانې
تۀ يو تصوير د پښتون د ارمان ئې
تۀ ئې د مينې اؤ زور اؤ طاقت قيصه
تۀ د شهيد دمستۍ اؤ شوکت قيصه
تۀ د پښتون د يو خيال اؤ د نيت قيصه
تۀ يواواز د مظلوم په اسمان ئې
تۀ د بهار خوب دکلی وران ئې
پاس به دې وپړقوم زۀ په حصار نخښې
يا به ئې تۀ په خېبر، يا زۀ په دار نخښې
سر مې لوگے شه له تا، سترگې مې ځار نخښې
تۀ د بهار خوب دکلی وران ئې
تۀ يو تصوير د پښتون د ارمان ئې