غزل که د عقل څه اثر لرې و سر ته رحمان بابا د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 که د عقل څه اثر لرې و سر ته لاس په سر مه شه د هر گېدي و درته 02 په نظر د هغو خاورې سره زر کېږي هرچې نه لري نظر و سيم و زر ته 03 بې منته جام د زهرو څښلی ښه دی نه هغه چې منت بار وي وکوثر ته 04 د يوسف له حاله زده کړه دغه پسه وايه حال د زمانې و برادر ته 05 دې فلک و چاته هېڅ بخښلي نه دي چې يې نه دي راپرودلي ځنې بېرته 06 د خروار دعوی يې وگڼه ممکنه که يې پور وي ديوې جودانې درته 07 که له خدايه دې و خلکو وته مخ شي له فردوسه به دې مخ شي وسقر ته 08 همېشه به در په درگرځي رټلی د استوگنې ځای به بيا نه مومې چرته 09 ای رحمانه! کړونی وگوره چې څوک دی له درگاهه يې سر مه اخله بل درته د قاموس مانا × اصلي کلمه
