لنډے چرگ

نن چرگ د انقلاب وهی نعرې د "قوقوقو"

جوړ وخت شو د سبا

خو نۀ ځی د جومات نه انگازې د الله هو

اودۀ پروت دې ملا

بېگا د جمعې شپه وه ډېر تالی راغلی وو

خوږه پکښې حلوا

خو څه شول طالبان ئې ما پرون ليدلی وو

که ويښ نه دې مُلا

پرون ئې طالبانو ډېر بادرنگ خوړلی وو

ټول ناست دی په بېديا

وړوکې چڼې څه شو چې هم وربه کړی دارو

راويښ به کړی مُلا

هغه بېگا تياره کښې ډېر ټېپر خوړلی وو

دهوکه کښې د حلوا

الله په نس ئې دړد وۀ ټوله شپه ئې کړل "او، او"

وۀ پروت په مصلا

اوس څوک وکړی جومات کښې انگازې د الله هو؟

جهان کښې شوه رڼا

لنډيه چرگه زور کړه وا نعرې د "قوقوقو"

راويښ به شی ملا