غزل مست په هغه مخ يم چې مستانې لري سترگې رحمان بابا د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 مست په هغه مخ يم چې مستانې لري سترگې بې تورې بې تېغه قاتلانې لري سترگې 02 بې ليدو کتو غايبان زړونه وړي له خلکو هسې چشم بنده ساحرانې لري سترگې 03 هر څوک چې بې وويني بل سر کتلی نه شي کښلې په دېوار غوندې حيرانې لري سترگې 04 لب آب حيات دي اونفس يې د عيسی دی هېڅ څه عجب نه دی که خوبانې لري سترگې 05 هر چې عاشقان دي هغه کله بل خوا گوري واړه ستا په لوري نگرانې لري سترگې 06 ای رحمانه! دا اوښکې هم تخم هم باران دی کښت د هغه شين دی چې گريانې لري سترگې د قاموس مانا × اصلي کلمه
