نه گورم

چې کرلی استعماروي هغو گلو ته نه گورم

پردی ساز ته چې گډېږي هغو ښکلو ته نه گورم

له هغو سترگو ځارېږم چې پکښې شرم و حيا وي

خدای دې عشق بې پردې نه کا پرتوگ ښکلو ته نه گورم

که د فکر ښکارولو يا د حق ويلو ځای وي

د چا سترگورډولو غاښ چيچلو ته نه گورم

په توده مينه چې نکړي دا ساړه زړونه تاوده څوک

په تودو تودو خبرو تودولو ته نه گورم

چې هر څه وران ويجاړ وينم کار خراب فکر خراب دی

په خبرو يې چې جوړ کړی هغو څلو ته نه گورم