نرس

د دړدمند د خوار خدمت، خدمت نۀ دے عبادت دے

لکه مور، رحم اؤ مينه د حوا اصلی فطرت دے

دا د مرگ سره جگړې، دا نرتوب اؤ شجاعت دے

دا د دړد په اور کښې رحم اؤ تيارو کښې سپين مشال

هر ژوندے د ښځې زوی دے، هم ئې خېشت او هم کمال

کۀ دنيا ورته سپک گوری دُنيا څوک دی پيژندلی

د شمکورو خرو گله ده، هر يو لال ئې خاؤرې کړے

لور د خېشت اؤ مور د ژوند، دې له رب پېدا حواکړه

دا خو مونږه شاعرانو يا ساقی يا دلربا کړه

د مغرب قچر تهذيب دا يوه مسته شان بلا کړه

نۀ ئې مور کړه، نۀ ئې خورکړه

نۀ ئې د دين، نۀ ئې د دُنيا کړه

د حوا اصلی مقام رحم مينه اؤ خدمت دے

دا د مرگ سره جگړې، خدمت نۀ دے، عبادت دے