نورو د منزل او د کاروان خبرې هيرې کړې

نورو د منزل او د کاروان خبرې هيرې کړې

مونږه د کاسو او د جانان خبرې هيرې کړې

ځان ئي د يوسف نه خلاصوو هغه ئي خلاص کړو ترې

ورونړو د يوسف او د کنعان خبرې هيرې کړې

مات شول غرضيان شول که بدل که د نظره شول

ډيرو شهسوارو د ميدان خبرې هيرې کړې

ناوې درخو ناسته ده ګودر کښې د سينګار سره

ولې خو زلمو د ادم خان خبرې هيرې کړې

اې د حسن خياله ته خو راشه اوس يواځې يم

خلکو خو د پت او د ګزران خبرې هيرې کړې

ما خو د باړې د ملنګئ کچکول تړلې دې

تا که د دوهې او د رحمان خبرې هيرې کړې