په تندي چې آتش بل کا مدام شمع

په تندي چې آتش بل کا مدام شمع

ځکه بيامومي له خلکه اکرام شمع

په انوار دې منور اهل ابصار شي

لا به کله شي ښکاره دانعام شمع

پتنگان يې لور په لور په مخ څرخېږي

ځکه نه کوي په سول کې ارام شمع

وسېځه ته ځان زما په شعله باندې

کړه پتنگ ته په رموز کې کلام شمع

لور له لوره جهان واړه کړه روښانه

چې شي بله په هر ځای په مقام شمع

ستا مجلس دخاص الخاصو صرافانو

د رحمان په څېر نه مومي هر عام شمع