په تيره دا دُنيا

خانده نن مۀ کوه غمونه د سبا

ښۀ پوهيږې ده په تيره دا دُنيا

د کر وخت کښې د غوبل فکرونه مۀ کړه

خوره او ځکه حساب کتاب ئې مۀ منه

د تندی ليکلی نۀ شې گرځولې

په ويرونو، په ژړا، په واوېلا

دا ځوانی به همېشه نۀ وی نامړۀ!

څۀ رضا کړه د يارانو په مرضا

سبا بيا خدائې د چرسيانو مسئله ده

ترينه نشته زوروره مسئله

نن دې زړۀ له ټول اختيار دبادشاه ورکړه

سبا خدائې خبر چې څۀ به وی سبا؟

راځه وخانده چې وخاندی غنی هم

ورله نۀ ورکوی خوند ځان له خندا