پسرلی راغلی

باغوانه زېری مې درباندې پسرلی راغلی

وخت د گلانو او موسم ډېر گلالی راغلی

دا په سحر کښې غوړېدلی د گلاب غوټۍ ده

که د ښادۍ په ورځ د سروزرو تالی راغلی

دغه شنې پاڼې دی چې ځان پکښې سوسن بټ کړی

که له جنته د خلعت ښايسته کالی راغلی

بلبله گرزي خپل پردی باندې دا زېری کوي

چې گل ته گورئ بيا زما ښايسته لالی راغلی

اوزي صحراته ښايسته جونی گلانو پسې

د فرش د پاره غرو رغو ته شنيلی راغلی

بيا د الفت او محبت نارې بلبله وهي

په گرمجوشۍ کښې بهار څومره بريالی راغلی