قهرمانه پېغله

په ښايست کښې درخانۍ سره وه سياله

قهرمانه د ميوند پېغله ملاله

ښکليتوب يې نارينتوب کښې وپټ شوی

څوک يې هېڅ نشو خبر له خط و خاله

د جلال قصې يې هر چېرته کېدلی

چايې لرې پلونکړ له جماله

گلالۍ پېغله وينا چې وي نقاده

مبارزه مجاهده زمرياله

د ښکلا شهۍ وي پټه شهامت کې

زمری جوړ شي د غزلې له غزاله

څوک يې نه ويني ښايست شجاعت ويني

که هر څو وي په ښايست کښې بې مثاله

د درخو د عشق سندرې ترې مه غواړه

د " الفت" طبع هر گوره ده ملاله