نظم
رنگونه
غني خانسپين سره مې نۀ لگی
سپين دے د ريا رنگ
سپين دے د کفن رنگ
سپين دے د فنا رنگ
سپين دے د ټگۍ دستار
سپينې د سپی سترگې دی
سپين ئې جال اؤ سپين ئې دام
سپين دے دملا رنگ
تور دے د شېطان لباس
توره د انکار توره
تورې دغم سترگې دی
تور دے دبلا رنگ
تورې د مرگ پنجې دی
تورې د باؤ داړې دی
توره د ماتم جړۍ
تور دے د ژړا رنگ
سور دے د گلاب اؤ
د وصال اؤ د خُمار رنگ
سرۀ ده دځوانۍ نشه
سور دے د بهار رنگ
سور دے د پالنگ
اؤ د خوبونو ددلدار رنگ
سور تورو غمونو کښې
د حسن اؤ رڼا رنگ
شنې د غنی سترگې دی
شين دے د وفا رنگ
شين د چمنونو
اؤ فصلونو اؤ ظرا رنگ
شنه د اُميد پاڼه ده
شين دے د سبا رنگ
شين دے د سپرلی
د خوشحالو اؤ د خندا رنگ
کُل جهان دے سترگې سترگې
نشته سترگې د صنم
خلق وئی اختر اختر دے
ما ته ښکاری محرم
چارچاپېره ساز اؤ شرنگ دے
ما له سوز، ژړا اؤ غم
چې جمدون په کمېدو شو
شو هر څيز ورسره کم
د شهوت نه وحشت لاړو
د نيکۍ سرور شو کم
د گناه نه مزه لاړه
پيکه خوله شوه د صنم
نۀ په بام د لېلی مست شوم
نۀ سايه کښې د حرم
خلق وئی اختر اختر دے
ما ته ښکاری محرم