غزل سل ځله که وخوري ناصحان ځيگر زما رحمان بابا د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 سل ځله که وخوري ناصحان ځيگر زما بېل به وبله نه کا در د ستا او سر زما 02 تېر شه په دا طمع په در ستا عمر زما گوندې چرې کېږيدې به قدم په سر زما 03 تا وې چې د عشق پياله خوږه ده تر شکرو وسوه په هجران کې دې پيالې ځيگر زما 04 سل جفا که ووينم په سترگو ستا له لاسه ستا په جفا نه کيږي هر گز باور زما 05 صبر ستا په عشق کې دا خبره څه او زه څوک نشته ددې چارې توان يو موی قدر زما 06 ستا له محبته جار واته و ماته عار دی ولې خاورې نه شي په دا لار بشر زما 07 واړه معشوقي د عاشقانو خبر اخلي بې له اندوه مې نشته بې د ستا له جداييه 08 هېڅ اندوه مې نشته بې د ستا له جداييه نور اندوه به څه وي تر دغه بتر زما 09 خوب د کور و کلي په نارو زما بر هم شه څه چار ده چې نه شي ستا په زړه اثر زما 10 يا له ما رحمان سره جفا مه کړه دلبره يا بې تا راوښيه يو بل دلبر زما د قاموس مانا × اصلي کلمه
