ساقي راکړه ته و ماته جام د رقص

ساقي راکړه ته و ماته جام د رقص

زه آرزو په زړه لرم مدام د رقص

ده وې اوس به دخوښۍ ساعت په تا شي

مغني راکړو وما پېغام د رقص

مسقي علم خپل استاد راته تعليم کړه

رانمای کړه هر تار مقام د رقص

سر يې پاس تر نُه فلکه څرگندېږي

چې په چا وشي ارشاد اعلام د رقص

چې جلوه پرې د محبوب له لوري کېږي

هر گز نشته په هغه اشام د رقص

لياقت يې هر وگړي څخه نشته

په لايقو باندې وي انعام د رقص

څو يې ساه په وجود شته عبدالرحمانه!

حقيقت به هومرې نه کا تام د رقص