ستا په څېر نه دي خوبان ليدلي ما

ستا په څېر نه دي خوبان ليدلي ما

نه په غوږو چرې اورېدلي ما

هېڅ وفا له عاشقانو سره نه کا

دلبران دي واړه ازمايلي ما

چې مې ستا و ښکلي مخ ته دي کتلي

بل يو مخ ته نه دي بيا کتلي ما

د زړه غولی مې نيولی ستا غمونو

نور غمونه دي له زړه وېستلي ما

چې مې کار د عاشقۍ په لاس کې واخيست

دي له بله کاره لاس وکښلي ما

نور غمونه مې له زړه نه دي وتلي

ستا غمونه په کې دي کرلي ما

زه رحمان بې ياره خوب و خندا نه کړم

بې ده، نه دي خوب خندا پسندلي ما