ورکه عاشقي شه هم يې نوم هم يې نښان

ورکه عاشقي شه هم يې نوم هم يې نښان

زه يې هسې خوار کړم لکه شگې د بيابان

زه د عشق په کار کې تېر تر سريم بارې څه کړم

درېغه که په سر مې دا مشکل کا خدای اسان

کښېوتم د عشق په آدم خورو گردابونو

نه په وړاندې تلی شم نه په بېرته گرېزان

رنځ د عاشقۍ چې زه ظاهر کړم وطبيب ته

هيڅ ويلی نه شي طبيبان او حکيمان

راشه عاشقي مه کړه رحمانه او که نه وي

تل به په اور ناست يې که بادشاه يې د جهان