ورځ چې بده شي عاقل او دانا څه کا

ورځ چې بده شي عاقل او دانا څه کا

چې قضا شي وردو څاره حکما څه کا

مور و پلار خو نېک فرزند له خدايه غواړي

چې بدبخت شي ادې څه کا بابا څه کا

يار له ياره په لوی لاس کله بېلېږي

چې لاس نه رسي يار څه کا اشنا څه کا

په ښېرو په دعا څه شي کړونی خدای دی

چې خدای نه کاښېرې څه کا دعا څه کا

بخت په زور او په زر نه دی چا خپل کړی

په دا کار کې ناتوان څه کا توانا څه کا

ای رحمانه! پتنگ عذر شه چې وسو

نور د شمعې خندا څه کا ژړا څه کا